Şirkətin təqdim etdiyi hesabatda, Cənubi Koreya bu göstəriciyə görə birinci olub – ölkədə orta internetə qoşulma sürəti saniyədə 14,6 meqabit təşkil edir. Yaponiya isə ikinci yerdədir – saniyədə 7,9 meqabit.

Bunlardan sonra siyahıda Honkonq, Rumıniya, İsveç, İrlandiya, Niderland, İsveçrə, Danimarka və Çexiya yer alıblar. ABŞ isə 3,9 mb/s orta qoşulma sürəti ilə yalnız 18-ci yeri tuta bilib.

Qeyd edək ki, Cənubi Koreyada internet-qoşulmaların 74 faizi genişzolaqlıdır. Yaponiyada bu göstərici 60, Honkonqda isə 46 faizdir.